o靚模踩場谷人氣 無助銷情
【本報訊】書展昨踏入第二日，今屆o靚模潮在貿易發展局打壓下稍有減退，周秀娜寫真集的限量box set至昨仍未售清，一班o靚模則奮力分批踩場做宣傳，不惜折返及在展廳徘徊爭人氣；但有寫真集出版商坦言，即使o靚模親身壓場，只旺丁不旺財，對銷情無甚幫助。
書展昨日的入場人次明顯比首日多，通道更出現擠塞。今年寫真風暴減弱，一班o靚模昨分批踩場，模特兒Jessica C.及新八模數名模特兒分別到攤位造勢，令攤位通道一時塞滿記者、「龍友」及途人，當局要派出十名保安人員維持秩序，但買寫真的人極少。Jessica C.期間曾出巡在場內繞圈派發紀念品，原本她欲離開展廳，卻突再折返攤位，疑似催谷人氣。模特兒尹蓁晞到場只是記者多，粉絲少之又少，攤位所見未見其寫真集掀起搶購潮。
紅出版集團項目經理關桂嬋稱，周秀娜寫真集的限量四百套box set，截至昨晚仍有逾十套存貨。她指寫真集主角現身宣傳，未能在銷量上帶來實質幫助，「當時係好多人圍住攤位，但都係睇真人同影相，買嘅人唔多，旺丁唔旺財，只收到宣傳之效。」為保持勢頭，出版社昨再推出周秀娜3D DVD寫真。
書商黑雨優惠價吸客
昨下午五時半天文台發出黑雨警告，貿發局發出廣播宣布書展照常開放，但大批市民仍選擇離場，與放工入場的市民會展中心外「撞到應」，接駁會展與中環廣場的天橋成為樽頸位，大批市民聚集，警方需在場維持秩序，幸無造成太大混亂。有書商則乘勢推出「黑雨優惠價」，提供額外半成折扣優惠吸客，書商指，已預計天氣不穩的影響，雖然人流較去年少，但銷售額仍追貼去年水平，有信心今年可達兩成增長。