母罹重病 大孖女成績插水
三子女之母黃太罹患血癌，使原本事事依賴母親的廿歲長子和一對十七歲孖女急速成長及獨立。Candy是大孖，是末代會考生，她適逢預備中五會考時母親患病，每天放學從觀塘坐巴士到威爾斯醫院探望母親，只能在巴士上溫習，更因擔心母親病情而沒有心機上堂，成績一落千丈。黃太亦擔心影響子女，不敢告知他們醫生曾預告生命只餘六個月。
冇心機上堂 失眠個半月
Candy憶述母親在威爾斯醫院接受化療時，飽受嘔吐、無胃口等化療之苦，她每天放學都到醫院探望，更曾請假四至五天陪伴母親，「我曾經應承過媽咪努力讀書，但媽咪入咗醫院期間，我真係冇心機上堂，失眠咗個半月，又因為唔夠瞓全身出濕疹三個月，結果中五成績就好似跳飛機咁差咗好多。」
任職首辦玩具及家具設計的黃先生，近一年亦暫停工作，全職照顧太太渡過難關，每天買餸煮飯，而掃地及清潔廁所等家務則交給Candy，而Candy每天都會替母親按摩肩頸以紓緩不適。回想當初醫生指太太只餘半年壽命，黃先生都不敢告知子女，直至Candy會考前才從阿姨口中得知消息，「其實之前聽爸爸同親戚講電話都估到，但點都會影響會考心情。」
Candy指，老師也預計她會考未必夠分數原校升讀中六，但會酌情盡量安排升班。唸理科的Candy希望日後能當護士、物理治療師或營養師，以照顧有需要的患病者。
本報記者