網民：加少少好應該
【本報訊】公屋加租問題，令公屋戶與私樓租戶的矛盾變得明顯。公屋居民普遍認為租金已經很高，百物騰貴，再加租負擔很大；但對於一批住在私樓捱貴租的市民，卻認為公屋今次加租幅度合理，反而不滿房屋委員會考慮免租一個月，質疑公帑用得不得其所。
「成日減租免租」
親子王國網上討論區昨日有討論公屋加租問題，有網民指公屋租金加幅合理，質疑公屋居民身在福中不知福。
網民「小虎88」指「加少少都好應該啫，比起其他每月捱貴租，你哋都已經好好啦！咁都唔滿意！」網民「alicemic」更認為「公屋租金早就要加啦！公屋已經成日免租兩個月，人哋加租時佢又減租，依家只係加少少，師奶打場牌都唔止啦！」網民「s2」指不少私樓租戶將近半收入支付租金，「依家公屋嗰啲，一個月講緊交一千兩千蚊租，仲成日減租免租，我哋住私樓嗰啲咩都冇，又申請唔到公屋。」
不過，部分留言擔心今次公屋加租，會帶動私樓租金上升，有網民更聲稱業主要加多一千元租金，令他大為頭痛。