中環出更：鄭汝樺自食其果？
汽車廢氣係城市空氣污染元兇之一，行過人多車多嘅鬧市，市民嘅鼻哥就受罪，運輸及房屋局局長鄭汝樺（Eva）都身受其害。早前卓妮撞見Eva同副局長邱誠武、鄉議局主席劉皇發同副主席張學明一行幾個人，喺德輔道中滙豐銀行總行對開等過馬路返立法會。當日天氣酷熱，途經嘅巴士狂噴廢氣，噴到Eva滿面灰塵，急急攞張紙出嚟狂撥，撥足分幾鐘，身邊嘅發叔同明哥反而無佢咁大反應。Eva成日話要推動綠色運輸，睇嚟工作尚未成功，仲要繼續努力！
汽車廢氣係城市空氣污染元兇之一，行過人多車多嘅鬧市，市民嘅鼻哥就受罪，運輸及房屋局局長鄭汝樺（Eva）都身受其害。早前卓妮撞見Eva同副局長邱誠武、鄉議局主席劉皇發同副主席張學明一行幾個人，喺德輔道中滙豐銀行總行對開等過馬路返立法會。當日天氣酷熱，途經嘅巴士狂噴廢氣，噴到Eva滿面灰塵，急急攞張紙出嚟狂撥，撥足分幾鐘，身邊嘅發叔同明哥反而無佢咁大反應。Eva成日話要推動綠色運輸，睇嚟工作尚未成功，仲要繼續努力！
