投訴：貪好睇亂種樹靠害市民
大樹好遮蔭？抑或一步一驚心？接二連三發生塌樹引致人命傷亡事故後，政府檢查與保育樹木工作再備受質疑。事實上，穿窿樹、斷樹枝、生怪菇等病樹遍布各區，全港七十六萬棵樹木中，瀕倒的爛樹「總有一棵喺左近」，令市民終日提心吊膽。有專家直指政府貪圖樹木外表「好睇」，毫不了解樹木特性而胡亂栽種，埋下城市地雷。
記者 蕭洛汶、張美琪
「棵樹蛀到空晒心，好驚佢畀風吹吹都會冧！」接連有樹倒塌意外後，大埔南坑村村民袁先生驚覺殺人陷阱近在咫尺。袁指一年前已發現村內大王爺廟後有大樹被蟲蛀出樹洞，近日發現樹身中段及根部有兩個直徑約三十厘米樹洞，而且已經貫通樹身，但卻從未有政府派員檢驗，直斥政府草菅人命，「我唔想棵樹喺打風嗰陣砸到人，仲聽到有啲官話打風落雨冧樹好平常！」
穿窿樹僅屬冰山一角，油麻地西貢街遊樂場一棵約三層樓高的龍眼樹，樹身便有最少兩個約深二十厘米樹洞，並生滿白色小菇，最大的白菇圓周更比五元硬幣還大。
倡分級制 全民監察
另沙田隔田村口亦有枯樹傾斜多時，樹冠凌空覆蓋行人路，部分更已折斷，危機一觸即發。大埔鍾屋村亦有大樹出現多條長逾一米裂紋，狀如剝殼花生，一旦傾倒，樹旁村屋將首當其衝。
康樂及文化事務署發言人強調，四月初檢查西貢街遊樂場龍眼樹時並無異樣，至本報查詢才發現樹洞長出菌類，已作適當護理。地政總署發言人則稱，南坑村大樹健康情況欠佳，不反對移除，但又以或涉風水及不構成即時危險為由，拒絕即時處理。沙田隔田村枯樹則證實健康不理想，需要移除。
立法會議員王國興昨在立法會上再次質疑政府未有妥善保育樹木，建議當局考慮設立樹木分級制，推行全民監察樹木，「例如可以貼告示公布棵樹有幾多級危險，等巿民行過留意吓，一有問題就可以即刻聯絡樹木辦。」不過，與會的發展局局長林鄭月娥卻重申，近日塌樹事件不代表法例規管出現問題，而是反映樹木日常管理及風險評估有加強的空間。
港大地理系講座教授詹志勇分析，生菇乃樹木受真菌感染徵狀，樹洞則反映樹木已遭真菌深度腐蝕，須施以除菌劑，避免樹木健康進一步受損。
「樹木有病，九成都關設計事！」有不願透露姓名的行內人士指，政府多靠園境師設計樹木，卻以「講靚、講好睇」為本，未有考慮樹木生長後出現「頭重腳輕」、「雀仔都飛唔入」等問題，「佢哋（園境師）淨係美容化妝，政府綠化嗰陣又冇問過有樹木知識嘅樹藝師，呢個先係問題根源！」