立法會尋日辯論滅貧事宜小組委員會報告，唔少議員趁機力數特區政府喺扶貧工作上嘅不是，面對一片批評聲音，勞工及福利局局長張建宗只係不斷如數家珍咁數一次現行嘅措施。勞聯立法會議員李鳳英一針見血，指出特區政府嘅扶貧工作之所以會愈扶愈貧，香港依然係貧富懸殊問題嚴重嘅地區，歸根究柢就係因為無從源頭入手，來來去去都只係推出啲表面而零碎嘅措施，所以搞成咁。