人稱「靚仔醫生」嘅莫樹錦做電視飲食節目着得官仔骨骨，佢喺現實生活又係點嘅呢？卓妮早前就喺中環ifc間連卡佛見到莫醫生，見佢着得好casual，黑色T恤加牛仔褲，當時莫醫生正同一位女士睇男裝外套，分別睇過YSL及Armani，最後駐足喺Ralph Lauren一件價值三千八百元嘅淺色外套前細心研究。卓妮上前打招呼，莫醫生顯得愕然，話放假同女朋友行街。佢最終都冇買嘢，或者睇唔啱喇。
