單車頭車籃變垃圾桶
單車為不少新界區居民代步工具，停泊與廢置問題不容忽視。阿明早前到沙田威爾斯親王醫院探病，發現插桅杆街近威院急症室一段行人路有疑似廢置單車鎖於欄杆，其中一部單車籃更有被棄置口罩，「就算架單車唔係冇人要，就咁泊喺度畀人當垃圾桶都好唔衞生啫！」
不過，食物環境衞生署發言人竟表示，在場只發現兩架新單車，未有發現棄置單車，並滿意上址衞生情況。沙田民政事務處發言人則強調，轄下跨部門工作小組會定期採取聯合行動清理廢置單車，有關單車將不會發還。
「如果多啲停泊位，又有人管理，就唔會有廢置單車，單車籃就唔會被當做垃圾桶啦！」沙田區議會交通及運輸委員會委員陳國添認為，民政署應統籌相關部門，考慮共同管理單車停泊處，杜絕廢置單車及引發之衞生問題。