被捧為新一代民主女神嘅中大學生周澄，喺雜誌自爆當年中大收佢為學生之前，因為失戀去咗夜總會做小姐，雖然周澄強調自己係賣酒唔賣身，但已經令好多人十分詫異。中大新任校長沈祖堯尋日第一日返工，就畀人追問呢件事，點知沈校長唔敢講多半句，一味話當晒啲學生係自己仔女，會了解佢哋做事嘅原因。其實中大呢輪因為政治中立問題搞到滿城風雨，唔通沈校長嚇驚咗，連道德判斷都要保持中立？
