睇番資料，劉遵義原來舊年已經向行政會議申報做咗呢間公司嘅董事，一早為轉職鋪路，但勢估唔到佢呢頭唔做校長，嗰頭就去從商，令中大人都不禁講一句：「使唔使咁急呀？」
回歸之後，行政會議裏面梗會有啲具中資機構背景嘅人坐鎮，但自從前中信泰富董事總經理范鴻齡主動暫停行政會議職務後，呢個具中資背景嘅席位就一直懸空，劉遵義急住上任做副董事長，唔知係咪要趕住填補呢個空缺呢？
這邊廂劉遵義走去私人公司搵真銀，那邊廂新任中大校長沈祖堯就懷住戰戰兢兢嘅心情上任，處理佢上一手留低嘅爛攤子。
沈校長上任第一日就發表網誌，引用英國名相邱吉爾嘅講話表明心迹，承諾會奉獻一切畀中大。
