政情：名人睇升旗防曬各師各法

頭箍小姐財經事務及庫務局常任秘書長區璟智同行政會議成員梁智鴻嘅太太馮令儀帶定闊邊帽，頭箍小姐話佢呢排皮膚敏感，塊面唔用得護膚品，連防曬用品都搽唔到，所以闊邊帽好幫到手。

長毛踩場 金刀梁護妻

教育局局長孫明揚太太鍾小芬就戴「超」擋太陽，孫太嗰副係「明星」眼鏡，戴上去遮咗大半塊面，實唔怕曬出雀斑啦。一身粉紅花裙嘅全國政協小吉方黃吉雯就攞住大會派嘅紫荊扇密密撥散熱，相當優雅。立法會議員霍震霆攞住大會送嘅遮，出太陽同落雨都無有怕。

順帶一提，尋日長毛梁國雄硬闖酒會，本來同太太分開同朋友傾偈嘅梁智鴻，眼尾睄到有人來勢洶洶向自己老婆衝埋嚟，即時伸手護住梁太，睇嚟年屆七十嘅「金刀梁」除咗眼明手快之外，仲相當man喎。

孫太睇咗好多年升旗，防曬工夫做到足。 （楊歡成攝）

頭箍小姐話佢頂闊邊帽摺得埋，方便擺落手袋。