白鴿黨自從就政改方案轉軚後，迅即成為社運人士嘅狙擊目標，政改表決當日，白鴿黨主席鐵頭仁及議員張文光步出立法會時，仲畀班「八十後」掟水樽。七一臨近，唔少人都替白鴿黨擔心，點知鐵頭仁好有阿Q精神，唔單止話自己完全唔擔心，仲講番上次畀人掟水樽都好小事，話啲水涼涼哋又係乾淨嘅，冇乜大不了喎。咁樂觀係好嘅，不過班社運分子激起上嚟乜都做得出，白鴿黨都係小心啲好！