蔡傑強不但是太太心目中的好丈夫、好爸爸，更是一個無所不能的superman（超人），「電腦、烹飪、整車佢咩都識，屋企大小工程都由佢一手包辦。」蔡太憶起丈夫的生活點滴，心中滿是幸福與傷感。她稱丈夫不但孝順長輩，而且非常顧家，婚後更搬到母親的屋苑居住，以便互相照應。蔡太說，丈夫生前有兩個心願，一是希望子女可以到外國升學，二是家人可以開開心心地生活。「短短二十年嘅婚姻，令我今生無悔，我有信心幫我老公圓願。」
蔡傑強在四名兄弟中，排行第一，亦深得母親疼愛，蔡母稱：「傑強係老大，細細個就幫手做家務，由細到大，屋企邊個有咩需要，佢做到嘅一定幫。」蔡傑強因工作需要每天中港兩邊走，但他每晚都準時七時半回家吃飯，飯後幫子女溫習功課，然後一起看電視聊天，放假時一家四口又會騎着單車四處去，「我老公對我好好，好愛錫一對仔女，人又勤力、謹慎又熱心助人，依家佢忽然間走咗，我好似得番個殼……」
蔡家是大家庭，十多廿人的家庭聚會，蔡傑強會充當大伙頭，「佢炮製嘅魚翅同木糠布甸，我哋個個都鍾意食！」蔡太憶起過往一家人的溫馨片段，泛起一個淡淡的微笑，但想到此情不再，眼眶又紅了，「嗰朝早先同佢傾過電話，點知係最後一次聽到佢把聲……」一對子女是蔡傑強的寶貝，驟然失去慈父的阿齊（15歲）和妹妹阿芝（12歲），難掩傷痛，阿齊低頭說：「爸爸好盡責、好顧家，一放工就返屋企陪我哋，我哋咩都可以傾。」