政改辯論第三日議員重要發言

民建聯譚耀宗:如果唔識包容,永遠企喺道德高地,講好聽嘅說話,咁對政制發展唔會有幫助,一定要妥協先對大家都有利。

民建聯劉江華:公民黨偏離《基本法》,係失道;社民連違反人倫、自降人格,是缺德。如果政黨有道德失缺,又同社會大眾講佢搶佔道德高地,係好大諷刺。

工聯會葉偉明:一個拎住咁多票嘅人,如果佢相信民主,應該以謙卑嘅態度繼續做落去,五.一六之後,佢哋(社民連)話拎咗十萬票,係咪要更尊重其他人,更加謙卑呢?

廠商會林大輝:如果搵到個最好嘅老闆先打工,咁呢世都搵唔到工,就算白馬王子唔一定娶白雪公主啦!

社民連梁國雄:張文光話我如一旦執政,會係恐怖政治,其實佢哋先係恐怖政治,我講華叔無密謀,但佢哋嘅密謀(與中央談判)喺七個月前已經開始!