食環署署長卓永興尋日上立法會食物安全及環境衞生委員會，為早前搬走民主女神像解畫。佢話睇報紙係署方執法嘅重要消息來源，上個月沒收民主女神像嘅執法行動亦都一樣。委員會主席李華明即刻寸佢，話《東方》、《太陽》成日話邊度係小販黑點喇，又唔見有改善？點知卓永興話佢哋都有掃蕩，只係呢頭掃完轉頭又出現啫。咁都死撐，唔怪得畀議員鬧佢係「狗官」，連肥仔明都唔幫口叫議員收番句說話啦！