樹枝擱路地署詐唔知
一條樹木斷枝足以證明部門漠視市民安全！在沙田石門工業區上班的陳小姐常途經安睦街，發現上址行人路樹木有斷枝，「都斷咗成幾個月，嗰條行人路又唔係偏僻地方，點解政府都冇人睇到？」陳不滿部門視問題而不見，擔心折枝長期未清理將對途人安全構成威脅。
地政總署發言人證實，今年五月底接獲相關投訴，隨即安排職員前往視察，證實斷枝位於政府土地上，已安排承辦商清理有關斷枝。
沙田區區議員姚嘉俊認為事件反映地政總署後知後覺，「樹木斷枝有隨時跌落嚟嘅危險，要收到投訴先至清理，好明顯就係漠視市民安全！」姚促該署必須加強主動巡查，「唔係話打風先至有樹木吹斷，平時都要定期巡查！」