政情：廉價海鮮團真心撐政改?!

政制向前走大聯盟尋日發動嘅撐政改集會遊行，事前畀人踢爆有參與團體為咗班多啲人嚟，不惜工本每人派二百蚊、請食廉價海鮮餐，甚至有學校以教通識或課外活動為名逼啲學生出席。民建聯主席譚耀宗尋日喺集會上，專登嗌破喉嚨咁問啲參加者係唔係為海鮮餐而嚟？啲參加者就當然話唔係喇！但事實上尋日嘅廉價海鮮餐參加者眾，就算有大批傳媒到場採訪佢哋都照食可也，證據確鑿，不容抵賴。