三次頸椎融合 痛不欲生

壓中樞神經 左邊身麻痹

「最記得第一次手術，第二日落床時盆骨痛到一落地即縮，要用嗎啡止痛，真係痛到唔識點講！」豈料第三次手術後兩年又再復發，更影響到左腳無力，幾乎連走路亦成問題，「行行吓商場突然失平衡仆倒，連隻牙都斷埋！」楊說道。

楊先生任職印刷公司銷售員，數年前頸椎椎間盤移位，壓着神經線，令頸、肩及前臂痛楚發麻，○四年接受第一次頸椎融合手術，可是○六年他又不幸遇到交通意外，導致另一截頸椎移位，影響走路平衡力，要接受第二次融合手術，可惜手術失敗，○七年又進行第三次手術。惟去年底再復發，另一截頸椎椎間盤脫位，壓着中樞神經致左手左腳無力，「左手麻痹，用唔到力；左腳直頭要拖住行，追唔到巴士！」

楊先生回想對上三次做頸椎融合手術，每次均痛不欲生，又要長時間戴頸箍，讓骨骼愈合，手術後兩個月才復工，「做咗兩截頸椎融合，條頸都梗晒，再做第三截，第時會唔會郁唔到呢？真係好驚好擔心！」他畏懼做第四次融合手術，輾轉下得知本港引入頸椎人工椎間盤，今年初接受手術後，康復神速，至今手腳活動能力已恢復七至八成，「做完手術即晚已經可以落床，第二日出院，三個禮拜已經返得工。」