喺中環鬧市，搭吓公共交通工具，未必唔係賞心樂事。卓妮前日路經畢打街「上海灘」門外，撞正港區全國人大代表譚惠珠喺度排隊等專線小巴，嗰陣係晏晝四點幾，人龍開始多，但珠姐插住褲袋耐心等車，更主動同排喺佢前後嘅女士搭訕。卓妮上前打招呼，珠姐話去麥當奴道。點解唔搭的士？珠姐話：「的士條隊咁長，都係搭小巴方便啲。」講到呢度，小巴到！珠姐隔住車窗，同卓妮講拜拜！
