中環出更：朱鼎健慳水電過綠色生活

Ken朱日前以百仁基金會員身份，現身該會新一屆董事局就職禮。講起環保，佢話奉行多年嘞，皆因觀瀾湖佔地廣闊，處處青葱綠草，單係每日淋花淋草嘅耗水量已經相當驚人。

製冰代替冷氣

Ken朱靈機一觸引入來自市民嘅生活廢水，經過濾後循環再用，慳番唔少。講到用電，佢都有心得，就係善用晚間時段製造大量冰塊，日頭放喺公司唔同角落幫助降溫，冰塊散發陣陣涼風，冷氣都開少啲。咁做仲有另一好處，就係內地入夜後電費較日間平三分之一，夜晚用電製冰，點計都慳好多。Ken朱數口咁精，難怪觀瀾湖業務蒸蒸日上。

嚟緊觀瀾湖將邀請荷里活名人同體壇明星同場切磋高球，地點喺佢哋位於海南島海口市嘅高球場，群星雲集較量，卓妮都要貢去八卦吓！

卓妮