政情：金刀梁撐政改用錯比喻

行政會議成員梁智鴻近排曝光率好高，因為佢喺政改宣傳廣告入面打頭炮，大叫「起錨」。佢尋日出席一個場合時仲發揮創意，話任何嘢都要一步一步嚟，戒煙同醫療改革都係一樣。但係佢可能用錯比喻，因為戒煙可以好反覆，醫療改革更加係傾極都唔多掂。金刀梁尋日仲冇戴「起錨」襟章，話個襟章喺衫袋度。證明佢落力推政改，都會掛萬漏一。