抑鬱漢抱稚女 30樓企跳
【本報訊】大埔太和邨昨晚險釀父攬女跳樓倫常慘劇，疑患抑鬱症男子與妻子爭吵後，盛怒下抱起兩歲女兒衝上卅多層高天台企圖跳下，其妻慌忙報警，幸經警方談判專家游說，男事主終打消死念，與女兒一併送院檢驗，街坊慶幸事件未有釀成東涌逸東邨母攬女跳樓翻版。
「我衰，我衰呀」
現場為喜和樓一單位，男戶主姓黃（四十六歲），與妻子育有一名女兒。昨晚七時許，黃與妻子因故發生爭執，突大發脾氣，抱起女兒衝上天台，其妻尾隨追上，驚見丈夫危坐欄杆上大吵大嚷，揚言：「死畀你睇！」至於女兒則受驚過度，於父親懷中大哭，黃妻苦勸無效，報警求助。
警方大為緊張，聯同消防員趕抵，在地面張開救生氣墊戒備，談判專家奉召到場，經勸喻超過半小時後，黃終情緒平復，抱同女兒返回安全位置。事件引發街坊圍觀，得悉父女平安，抹一額冷汗。
黃送院治理，途中哀傷地自責：「我衰，我衰呀，個女冇得救喇，個女冇得救喇……」女兒則由母親抱着送院檢驗。