政情：王國興叫邱騰華焗的士桑拿

政府打算就停車熄匙立法，一班搵食車司機首當其衝，但平日坐喺冷氣房睇文件嘅高官，又點會感同身受？工聯會王國興尋日喺立法會審議停車熄匙草案委員會上，為司機工友出氣，指酷熱天氣下，的士停車熄匙等客，車廂氣溫比室外仲要高，有損健康。佢仲點名叫今次主推停車熄匙嘅大旗手、環境局局長邱騰華做白老鼠，親身體驗的士「桑拿」滋味，咁就知班司機工友嘅苦處嘞！