私家路段加鐵柱行車難
私人地段攙雜政府土地，容易衍生管理問題。貨車司機林先生表示，北角木星街屬雙線行車，道路兩旁商舖均於店前行人路、行車路面加裝鐵柱，為駕駛者帶來不便，「呢條係掘頭路，依家變咗一線行車咁，中間又成日有車喺停車場駛出，真係好危險！」
運輸署發言人指出，木星街沿路兩旁有多個私人商舖物業，物業範圍包括建築物門前的行人路及部分行車路面。業權人在行車路設置的鐵柱屬私人地段，該署會繼續與相關部門研究改善交通之法。
當區區議員周潔冰批評政府部門處理態度欠積極，促當局盡快修例收回私家街業權，「呢度真係要改善，問題亦唔係第一次提出，最麻煩係要唔同部門同意之外，仲要修例先搞到，嗰度又有舊式攤檔存在。雖然處理有難度，但唔係做唔到。」