立法會一個委員會尋日討論公務員入職語文要求，平機會主席林煥光批評，本港公務員入職要有高嘅中英文水平，實在較為罕見，而政府將少數族裔學童融入主流教學又搞得差，所以要求少數族裔中文好係苛刻要求。林煥光可能已遺忘自己回歸後做過公務員事務局局長，為何當時無發現少數族裔入職困難呢？換咗位置入咗平機會，果然講嘢都唔同啲。公務員事務局局長俞宗怡就溫馨提示話，並非所有職系都要求高嘅中文水平，但警察同消防員就要識中文囉！