政情：58歲交棒57歲規劃署署長青黃不接

發展局常秘亦換人

不過，接佢棒嘅現任規劃署副署長梁焯輝，年紀及資歷原來差唔多，加入政府32年，今年已57歲。57歲接58歲嘅棒，相當諷刺，即係話梁焯輝只坐一會，1、2年內又會退休。

下月退休嘅高官仲有發展局常秘（工務）麥齊光，佢個位由路政署長韋志成接棒。麥齊光服務政府33年，佢係工程師出身，擁有豐富工務知識及經驗，仲好有政治智慧，早年前房屋署長梁展文退休後申請去新世界中國任要職，多名負責審批高官都唔反對，惟獨麥齊光力排眾議，認為事件會引起公眾負面感覺。

2年前四川大地震後，麥齊光協助推動四川重建，先後15次去四川監察工程進度，發展局局長林鄭月娥已邀請佢退休後擔任非全職顧問，做發展局支援四川重建小組組長，任期初擬一年。