爛瞓司機叫唔醒玩殘警員

昏睡司機姓朱（廿八歲），據稱患抑鬱症，需定時服藥控制病情。昨晨三時許，朱駕車載女友外出，停泊於文匯街路旁，女友落車買消夜。稍後，姓蔡（七十歲）的士司機回來取車，發現被朱的汽車阻礙，於是拍車窗叫喚朱開車，竟見他拉低司機位座椅昏迷，擔心他出事，連忙報警。

用大聲公 破窗呼喚

警員及消防員到場，用大聲公又猛拍車窗，始終未能將他叫醒，女友折返上前查問究竟，得知男友昏睡車內，即向警員解釋稱：「佢食咗抗抑鬱藥瞓着咗！」期間的士司機因趕着開工，幾經辛苦扭軚，才成功脫困離開。

消防員無計可施下打破「雞翼」車窗開門，又叫又推，但朱仍然不醒，一度稍張開眼又轉頭睡去，視警員及消防員如透明。一小時後，朱卒睡夠醒來，因神志仍未清醒，由救護車送院檢驗。