殘廁多障礙輪椅客撞牆
王先生為傷殘人士，需以輪椅代步，早前途經將軍澳景林商場，使用設於地下的洗手間時，竟需「撞牆」而入，「嗰個傷殘人士廁所起喺普通廁所入面，推開道門竟然係幅牆，我推住部輪椅又要再推門，根本轉唔到彎入去！」王最後需由友人協助才能進入洗手間，「好彩嗰日有朋友推我入去，先至唔使『撞牆』，如果其他傷殘人士得一個人咁點去？」
路向四肢傷殘人士協會主席李遠大認為，有關洗手間設計等同與傷殘人士「開玩笑」，「設計呢個廁所嘅人根本冇諗過傷殘人士嘅需要，只係諗住將個殘廁擺係度就算！」李指領匯目前遇有投訴才作改善的做法已過時，「佢哋應該全面咁改善所有嘅設施，盡量方便傷殘人士使用！」
領匯發言人稱，會研究各種可行方案改善上址洗手間，包括擴闊出入口，以方便傷殘人士。