中環耳目：李家祥推介Le Soleil正宗越菜

會計界殿堂級人馬李家祥（Eric）近年淡出政壇後，盡情享受生活，到處自駕遊、歎紅酒，就算身在香港都食盡好嘢，最近佢就推介尖沙咀帝苑酒店三樓Le Soleil越南餐廳。Eric大讚呢度嘅越南菜夠正宗，好似出晒名嘅河內生牛肉牛筋湯河粉、咖喱大蝦煲及越南春卷，全部與別不同。
李家祥推介帝苑酒店間Le Soleil越南餐廳，大讚餐廳嘅越南菜夠正宗。 （徐家浩攝）
李家祥推介帝苑酒店間Le Soleil越南餐廳，大讚餐廳嘅越南菜夠正宗。 （徐家浩攝）

夢幻組合生牛肉湯河

Eric對Le Soleil評分咁高，究竟菜式有乜特別呢？先講河內生牛肉牛筋湯河粉，牛肉選用加拿大牛肉，出名嫩而不韌，湯底用牛骨、牛尾及牛坑腩以慢火熬十小時，最後加上牛肉、牛筋、牛坑腩及牛百葉，簡直係夢幻組合。至於咖喱大蝦煲就選用越南淡水大頭蝦，肉質彈牙，蝦膏特別多，入口鮮味猶如泉湧。

Le Soleil行政總廚黃燮秋（Dennis）喺越南出生，九二年到美國三藩市創辦Le Soleil，○七年回港大展拳腳，喺帝苑酒店開分店，據聞多國駐港領事同唔少城中名人都係座上客，難怪Eric讚不絕口！

河內生牛肉牛筋湯河粉，牛肉同湯底配合得天衣無縫。（餐廳提供圖片）
  • 河內生牛肉牛筋湯河粉，牛肉同湯底配合得天衣無縫。（餐廳提供圖片）
咖喱大蝦煲選用越南淡水大頭蝦，一點五公斤只有三至四隻蝦，夠晒分量。
  • 咖喱大蝦煲選用越南淡水大頭蝦，一點五公斤只有三至四隻蝦，夠晒分量。