五區補選慘淡收場，投票率得一成七，運動總發言人余若薇被人追問會否為公投失敗負責，辭任公民黨黨魁。余若薇左閃右避，指五十萬人投票成績滿意，又話唔想追究責任問題，疑犯竟然變法官。公社兩黨嘅目標投票率褪完又褪，最初係五成，然後變三成，再剩番兩成五，尋日余若薇直頭唔講投票率，只講投票人數，真係乜都佢講晒，難怪經濟動力林健鋒同全國政協常委陳永棋齊齊暗寸余若薇死雞撐飯蓋，扭橫折曲。