門診預約熱線打極唔通
公立醫院設立電話預約門診服務原為方便巿民，事實卻恰恰相反，不論醫院管理局或衞生署轄下門診，預約熱線同樣長期線路繁忙或額滿，不但巿民求診無門，就連公務員亦怨聲載道，醫療服務有瀕臨爆煲之勢。立法會議員狠斥當局懶理電話預約服務成效，跟以民為本的宗旨背道而馳。
記者 吳琰玲
醫管局普通科門診電話預約服務推行四年以來，本報接獲逾二百宗投訴，單在今年一月至四月已有近四十宗，反映多年來並無改善。張先生定期與患有情緒病的女兒往油麻地兒童精神科覆診，早前因事擬更改覆診時間，但電話預約只於周一至周五早上十時至十二時提供服務，其餘時間只設錄音，「預約電話唔係廿四小時服務咩？得兩個鐘太少！電話錄音又係叫人嗰兩個鐘打去，即係冇用！」
公務員「一肚氣」
專科門診預約限時服務，惟提供廿四小時服務的普通科門診預約，市民亦需「鬥快打電話」。周先生患有前列腺病，每隔六至八星期覆診取藥，早前透過電話預約，日以繼夜分別致電長沙灣賽馬會普通科診所、明愛醫院門診及石硤尾普通科門診，均因線路繁忙或額滿而無法預約。周說：「成日要鬥快打電話，唔知幾時約到？依家就快冇藥，好驚冇藥食！」記者分別於平日及周日中午三時至六時致電上述診所，均因額滿而無法預約。
醫管局電話預約服務毫無改善，就連衞生署轄下門診電話預約亦令公務員「一肚氣」。患有感冒的關先生，日前在早上八時許致電油麻地九龍公務員診所，惟一直線路繁忙，親自前往時才發現診所只接受電話預約，「去到又話額滿冇醫生睇，仲話最快要約到一星期後！等得嚟都病多幾錢重啦！」
「醫管局一早就知電話預約有問題，話極都唔改，衞生署又係咁，依家連公務員都話有問題，仲要畀自己人鬧番，係咪真係要檢討吓？」立法會衞生事務委員會委員陳克勤直指電話預約服務實施以來問題多多，與設立原意背道而馳。
「唔嘈就當冇事」
病人互助組織聯盟主席曾建平亦不滿醫管局未有正視問題，不斷為病人製造不便，「醫管局淨係識頭痛醫頭，唔嘈就當冇事，根本冇用個心去做！」
公務員工會聯合會主席梁籌庭則稱，政府部門對私家醫生紙認受性較低，令近年公務員診所不敷應用問題惡化，「預約電話永遠打唔通，又唔接受即場求診，政府明知有問題都冇改善，我哋都好無奈！」