政情：林煥光轟票站不便傷健者

平等機會委員會早前宣布決意擺脫「大花瓶、大花筒」嘅壞形象，仲話嚟緊幾個月要盡快做好無障礙票站同最低工資立法等工作。平機會主席林煥光尋日出席一個籌款活動時，就話已經收到選舉事務處嘅資料，知道依家仲有百分之十五，即係大約六十幾個票站係傷健人士入唔到嘅。林煥光用好溫和嘅語氣，炮轟港府十幾年嚟連少少事都做唔到，希望政府喺下次選舉前可以有大幅度改善喎。