港大民意研究計劃尋日公布新一輪十大議員評分，匯賢智庫立法會議員葉劉淑儀擊敗一直高踞榜首嘅公文袋余若薇，榮登十大議員之首。葉劉相信見報率同民望成正比，話自己喺上一輪調查十大不入，今次卻登上榜首，可能同「羔羊廣告」有關。佢喺三月頭刊登全版廣告，批評發展局局長林鄭月娥降低舊樓強拍門檻，形同「搶走窮人唯一的小羔羊」！之後曝光率大增，林鄭仲喺電台上同佢隔空火併。今次葉劉榮升榜首，真係要多謝林鄭囉！