中環耳目：彭少衍至愛「金牌」花雕肥牛

彭少衍熟悉藥理，打邊爐時會多食魚同菜，唔會一味食肉，佢教大家用芫荽、葱花加豉油做醬料，咁就唔怕燥熱嘞！

黎明張智霖熱捧

位於佐敦嘅金牌火鍋係明星名人至愛蒲點，歌星黎明及藝人張智霖都係捧場客。老闆旦哥來自有火鍋界少林寺之稱嘅輝哥火鍋，自立門戶之後將肥牛變成鎮店之寶，招牌菜係牛骨煲。旦哥每日用成一百斤牛骨加埋十幾種藥材熬湯底，熬足六粒鐘，加埋牛腸及牛腩，惹味到極。

彭少衍至愛「金牌火鍋」嘅花雕肥牛。 （溫國佳攝）

「金牌火鍋」將山東黃牛炮製成多款火鍋料，中間就係招牌牛骨煲。 （何偉鴻攝）

牛肉正斗仲有另一原因，老闆每日由山東運來一百斤新鮮黃牛肉，肉質分外鮮嫩，最受歡迎係金錢牛，因為每隻牛只得兩對，手慢就無嘞，另一味雪花頸脊就專挑牛頸背部位，入口鬆化，非一般牛肉可比。