政情：馮檢基嗌平機會要慳啲使

平機會近年醜聞纏身，舊年仲畀審計署力數佢七宗罪，包括狠批上任平機會主席鄧爾邦係「大花筒」，每次外訪不但例必住豪華套房，食餐飯仲動輒成萬蚊，而平機會內部行政亦極其混亂，處理投訴又馬虎，搞到平機會嘅形象跌落谷底，早前換埋主席。平機會政策及研究專責小組召集人馮檢基尋日開完小組會議見記者，承諾平機會未來一年將會大革新，勢要由被動變為主動，仲話從今以後，平機會唔會再做「花瓶」，亦都唔會再亂fing錢喎！