政情：的士業斥政府搞環保雙重標準

　港府一意孤行強推停車熄匙，的士業界尤其「火滾」，面對草案後日首讀，的士團體尋日喺《城市論壇》盡最後努力炮轟，新招係批評政府「推動環保雙重標準」。汽車交通運輸業總工會的士司機分會副主任勞士正話，車廂就等同佢哋嘅工作間，停車熄匙即係倒退四十年前，質問官員可唔可以一齊倒退到四十年前，仲話「你得我哋都得」。此語一出，全場拍爛手掌！