政情：發叔倡山茶列非物質遺產

屯門龍鼓灘長大嘅發叔話，以前鄉村村民無咁矜貴有龍井同普洱飲，由細到大都係飲山茶。究竟山茶係乜呢？發叔話，山茶茶葉同普通茶葉無乜分別，係一種矮小植物，好粗生，採下後放喺太陽下曬一曬，然後炒乾，用嚟沖茶相當好味，加上山上奉旨無人施農藥，保證無毒，署方可以研究一下。

黃宏發推崇民間賭博

同樣被稱呼為「發叔」嘅黃宏發認為，民間五花八門嘅賭博方式都好值得記載，好似紙牌、字花、十五胡「釣魚」等。康文署代表話，如果村民發掘到有價值嘅項目，但又唔知算唔算係非物質文化遺產，可以交由署方審視及篩選，預計普查喺二○一二年初完成。