病魔纏擾 成日想跳樓
「成日想走上廿五樓跳落嚟自殺。」五十多歲任職行政人員的吳女士，廿多年前誕下長子，竟是她與情緒病長期抗戰的開端。她試過失眠一個月，心跳經常無故加快減慢，「眼耳口鼻樣樣都唔妥」，多年來花費十多萬元做盡各種檢查，也無法找出病因。就在她企圖輕生之際，精神科醫生一句「好彩你係患呢個病，情緒病百分百有得醫！」將她救出絕望深淵，接受治療後吳女士已可重過正常生活。
吳女士昨憶述，約廿年前起陸續受到多種毛病困擾，「個頭好似有金剛圈咁痛到諗唔到嘢，成日覺得眼矇，個口食乜嘢都係苦，對耳仔大聲少少都受唔住，仲有好多胃酸同經常肚屙，總之由頭到腳都好唔妥。」她幾乎見盡不同專科的醫生，反覆多次檢查，每次結果也是「精神緊張」，但服安眠藥及鎮靜劑後情況依舊。
至二○○○年，周身病痛已令她接近崩潰邊緣，不時浮現跳樓念頭，慶幸向精神科醫生求診後，確診患驚恐症及抑鬱症，接受三年藥物治療後已經康復，並可恢復兼職工作。
曾智華戰勝情緒病
電台節目主持曾智華亦曾深受情緒病之苦，他指九十年代初開始感到身體變得虛弱，「做節目時覺得無血上腦，講唔到嘢，好辛苦撐住張枱先無暈低，大熱天時着棉襖同兩條褲都覺得凍，認定係身體有病。」但多番檢查均無發現異常，令他更為懊惱，後來向專業人士求助後，終確診屬嚴重抑鬱症，接受認知行為治療後，現已成功戰勝情緒病。
本報記者