環保署告錯人聲大夾惡

潘先生為觀塘牛頭角道仁安大廈一單位業主，早前接獲環保署來函，指單位外牆有石綿僭建物，要求根據《空氣污染管制條例》處理石綿物料及盡快清拆，否則會遭檢控，「收到封信真係好驚，但封信啲相左睇右睇都唔似我間屋，我嗰度都冇簷篷，分明係搞錯啦！」

接查詢 「條友又打嚟嘞」

為求清白，潘決定自行巡察，發現環保署所攝得單位雖屬同層，但坐向卻「一東一西」，懷疑遭「點錯相」，多次向環保署反映，職員不但愛理不理，「試過打去問，個職員居然好唔耐煩咁話『嗰條友又打（電話）嚟嘞』！」令潘大為氣結，要求職員到場視察又未獲理會，「封信上面講明如果冇石綿瓦就要通知佢哋（環保署），點知佢哋態度咁差，做錯仲要唔肯認，真係離晒大譜！」潘要求環保署交代事件，以正視聽。

「佢哋係公僕，做錯嘢唔認不特止，仲要聲大夾惡，點樣服務市民？」立法會環境事務委員會副主席陳克勤直指，環保署作為政府部門，處理日常工作不容有失，倘再以惡劣態度對待市民，將直接影響公務員形象。

議員：不應由市民反證

至於環保署的日常巡查，陳則認為當局有必要就含石綿僭建物進行調查，惟不應將責任轉嫁市民，「市民根本冇必要負責反證，環保署要搞清楚，佢哋先係公僕，態度要好之餘，仲要做嘢！」

對於被指「點錯相」一事，環保署發言人未有正面回應，只稱曾派員前往有關大廈外圍及公眾地方視察，評估可能含有石綿物料的建築物，同時拍照記錄並向相關單位發信，要求業主妥善處理。發言人又說，上述大廈單位眾多，職員在大廈外圍確認外牆建築物所屬單位較為困難，處理個別個案時，有關業主有可能需要協助確認，以提高評估之準確性。不過，發言人承認，職員處理潘氏投訴時出錯，已向當事人詳細解釋並以書面通知經修正的評估結果。至於職員態度惡劣問題，則相信乃溝通時引起誤會所致。

記者 梁少儀