腎病婦缺藥費待施援

自從玲姨於數年前接受心瓣手術後，即因氣促致無法工作，需靠綜援生活。玲姨去年底因常暈眩不適，接受檢查後證實患上急性腎衰竭，病情一度告急，需入住深切治療部接受治療，留院十多天才出院。

傾盡綜援金買藥 生活拮据

滿以為捱過一個難關，未料苦難竟沒完沒了！玲姨出院後需服用類固醇藥物控制病情，但受副作用影響，「食咗藥成個人連埋塊面都腫晒，脹到成個波咁，成日周身痕兼手震，有時仲會抽筋！」醫生建議服用自費藥物以紓緩病患，惜每月藥費高達約一千八百元，玲姨坦言籌措無方。

「依家仲可以照顧自己，如果連個腎都壞埋，就要靠人照顧，我又無親無故，冇人可以靠。」但為免病情惡化，玲姨只好用盡剛發放的綜援金購買藥物，「買咗藥之後，成個月得番二百幾蚊，搞到連街都唔敢出，每日淨係淥一個米粉食就算。」

東區尤德夫人那打素醫院發言人表示，病人對類固醇藥物產生副作用，若減少類固醇劑量則需要以「霉酚酸脂」配合治療。由於「霉酚酸脂」屬自費藥物，醫生建議持續服食一至兩年，每月費用約為一千六百元至一千八百元。

捐款編號：11868

吳伯眼疾須續醫盼籌三萬

「真係好多謝《東方日報》嘅讀者，如果唔係，我可能已經盲咗！」七十一歲的吳榮裕左眼患濕性老年黃斑病變，因無力買自費藥物，視力隨時不保。為免延誤最佳治療機會，東方日報慈善基金已於「醫療專戶」撥款一萬元協助首次療程，後亦獲善長逾二萬元捐款，現已順利完成三次療程。惟因吳伯眼患嚴重，醫生指須繼續接受治療，將需費三萬元，有賴善長繼續施援。

「做咗治療之後，隻眼冇再流眼水，睇嘢都冇咁矇！」吳伯接受三次針藥治療後，視力曾大為改善。原以為完成療程便可保視力，豈料醫生經檢查竟指其病情嚴重，需再接受至少三次療程，令吳伯進退維谷，「又要成三萬蚊，上次都係得善長嘅幫忙先有得打針，如果今次冇人幫，我都唔知點算！」

瑪麗醫院眼科專科醫生賴維均表示，吳伯接受「玻璃體注射血管增生抑制劑」及光動力治療後，眼內血管出血及滲漏情況已減輕，惟因病情嚴重，需繼續接受治療。

捐款編號：11840

■記者 莫麗珊