政情：周松崗聞投票笑騎騎

當年周總無顧及山頂區一向係自由黨嘅「地頭」，提名公文袋陳淑莊參選，激親自由黨主席田北俊，周總事後要致電向田少道歉，但田少亦因為被指向周總施壓，要向周總及公眾道歉。周總尋日中午到香港會食飯，我哋梗係要問吓佢「5.16」會否去投票啦，佢嘅答覆係仲未決定，話可能唔喺香港喎！

周總貴人事忙，未決定投票都唔出奇，但最關鍵係咪仲一條心投票支持公文袋港島區候選人陳淑莊呢？周總聞見「陳淑莊」三個字即時笑騎騎，然後急急上座駕離開，莫非見過鬼怕黑？港島區候選人還有李振雄、梁永浩、戴卓賢及黃興。