政情：CY暗寸廿蚊張？
自由黨副主席兼飲食界立法會議員張宇人提出「廿蚊論」，建議最低工資訂喺廿蚊水平，雖然係為業界試水溫，但卻引火焚身，畀泛民咬住唔放，成為佢哋爭取取消功能組別嘅籌碼。行會召集人梁振英（CY）尋日上電台為功能組別護航，但都坦言有啲功能組別議員因經常聯絡選民，等下次再選時可得到大家支持，有時唔顧及整體大眾利益，但佢話呢啲係人嘅問題，唔關制度事。最近成為眾矢之的嘅功能組別議員得「廿蚊張」一個，唔知CY仲想暗寸邊個呢？
自由黨副主席兼飲食界立法會議員張宇人提出「廿蚊論」，建議最低工資訂喺廿蚊水平，雖然係為業界試水溫，但卻引火焚身，畀泛民咬住唔放，成為佢哋爭取取消功能組別嘅籌碼。行會召集人梁振英（CY）尋日上電台為功能組別護航，但都坦言有啲功能組別議員因經常聯絡選民，等下次再選時可得到大家支持，有時唔顧及整體大眾利益，但佢話呢啲係人嘅問題，唔關制度事。最近成為眾矢之的嘅功能組別議員得「廿蚊張」一個，唔知CY仲想暗寸邊個呢？
