排隊黨攻陷旺角中旅

■記者　吳琰玲

每天早上八時前，中旅社旺角證件服務中心已有逾百人排隊，準備領取籌號換領或申領回鄉證。因應一籌有價兼向隅者眾，排隊黨遂伺機圖利。梁先生日前於早上九時許抵達無籌可領，離開時遇上排隊黨兜售籌號，「個排隊黨見我攞唔到籌就畀張紙嚟，叫我打電話預約（買籌），啲籌畀人霸住晒，唔怪得冇晒！」跨區往旺角辦證的土瓜灣居民胡先生亦指秩序混亂，「土瓜灣（中旅分社）執咗，逼住嚟旺角續證，點知嚟咗幾次都冇籌！」

辦證人士眾多，早上九時許已無籌號派發。	排隊黨（箭嘴示）於人龍中「霸位等生意」。	原為排隊黨位置，轉瞬換上一名男子（箭嘴示）。

百元成交移形換位

記者於查證當日的早上八時許已抵達旺角中旅社，發現排隊黨已「開工」多時。只見多名中年女子在中旅社門外派發傳單，更不時接聽預約電話，「八十幾籌，包你十點半前搞掂，等陣嚟門口搵我，行埋一邊至畀錢！」未幾即見女子與買籌者相認，並轉街角以一百元交易，排隊黨更叮囑：「啲籌冇登記身份證，你入去攞表，填好交咗後就等叫籌啦！」

排隊黨（箭嘴示）與預約買籌者於中旅社門外相認。

買籌者（右）繳付一百元，順利從排隊黨手中取得籌號。

門外有人兜搭，場內的人龍中亦混有排隊黨，「你過嚟排我個位，到櫃位就自己攞籌！」排隊黨招手示意買位者即時「移形換位」後，再施施然返回門外繼續兜生意。

「中旅社要解決辦證漏洞，警方更唔可以縱容！唔放蛇都要到場派傳單，啲排隊黨至識驚！」油尖旺區議員陳偉強直斥警方後知後覺，因打擊不力而令排隊黨更有恃無恐。

破壞秩序恐爆衝突

立法會保安事務委員會委員黃國健則批評警方輕視排隊黨問題，擔心換證高峰期間會令秩序惡化，或引發衝突，「警方做嘢嘅心態成日都係多一事不如少一事，搞到啲排隊黨冇有怕，咁落去想唔亂都幾難！」黃促中旅社以實名制取代現有派籌方式，並與警方聯手打擊，以收阻嚇之效。

警方發言人承認曾向中旅社了解非法兜售籌號問題，並已囑前線人員留意，如有非法兜售活動會採取適當行動。

中旅社發言人則稱，過去並未接獲有關炒籌投訴，「但不排除（炒籌情況）存在」。現時旗下各分社已張貼告示，一旦發現炒籌行為會立即制止。