政情：旅局慳家用舊版飛龍

田少未得閒解畫，旅發局總幹事劉鎮漢就急急話，財政司司長曾俊華都話逐步嚟，等印新嘢先改，無理由咁浪費㗎，都唔知話佢認真知慳識儉好呀，定係明剃財爺眼眉？

旅發局話嗰批易拉架其實年頭已經印咗，用來宣傳一整年嘅香港節慶年，估計下月印新宣傳小冊子嗰陣，「條龍」就會轉番新。

為慶祝旅發局首度同香港龍舟協會合作，今年一齊大搞國際龍舟邀請賽，田少尋日就同龍舟協會主席馬兆榮喺支一比一嘅龍舟槳上面簽名。

據聞旅發局主席過去都好少喺展品上簽大名，今次都係田少上任以來第一次，之後支龍舟槳會擺喺旅發局總部做留念。