政情：謝卓飛補鑊話熱愛中樂

西九文化區管理局早前委任英國人謝卓飛做行政總裁，被外界質疑佢唔熟悉中國同本港文化，謝卓飛亦自爆唔識中國源遠流長嘅粵劇。西九管理局尋日幫謝卓飛出咗份官方訪問對答全文，特別問佢：「你對亞洲藝術顯然情有獨鍾，你對哪類藝術最感興趣？」擺明係畀個機會謝卓飛補鑊，講吓佢原來對中日文化藝術都有些少認識。不過問到佢最喜歡嘅藝術家，佢始終都係數番一大堆西方名稱，又話會喺香港嘅住所放番座鋼琴，再次露晒底。