【本報訊】「醫管局根本一開始就想卸膊，如果唔係有東方報業集團幫我反映投訴，醫管局高層都唔走出嚟道歉，真係好冇誠意、好敷衍！」醫管局被轟處理護士疑涉燙傷男嬰事故時卸責兼反應遲鈍，家屬更踢爆有人雖對外口口聲聲表示「唔安樂」，卻原來曾一度砌詞狡辯稱「試過水溫」，又指男嬰傷處僅「紅紅哋」，態度涼薄，令家人氣憤難平，矢言要追究到底。
醫管局高層在事發後相隔十二小時急召開記者會補鑊，但傷者「希希」的父親蕭先生卻質疑，醫管局突然高姿態做騷，純屬門面工夫為自己解圍，狠批醫管局「企圖將大事化小，唔肯承擔責任同認錯！」
蕭炮轟院方至今一直拒絕交代真相，事發後他趕抵醫院時，醫生只講述兒子病情，對傷勢避而不談。而當他估計兒子傷勢是洗澡引起，質疑院方存心包庇及隱瞞時，一名病房護士曾出面對質，但有人雖認為其子洗澡，卻指男嬰可能受病情影響，身上早有脫皮紅印。
不過，蕭指，當有在場醫生確定其子傷勢屬人為疏忽所致，又有前晚當值護士證明希希事前皮膚無恙時，有人遂改口稱：「我今朝係同佢（男嬰）沖涼，但我用手試過水溫先幫佢沖，佢個身都係紅紅哋啫！」
蕭聞言氣憤難下，欲再追問時，有人竟惡言相向：「咁你哋咪自己廿四小時睇住佢（男嬰）囉！」
蕭坦言慶幸有本報代為申訴，否則有人可能隻手遮天。做散工的蕭如今要頻撲照顧幼子，已無法開工，手停口停，幸有岳母幫忙看管其餘兩子。