政情：盧振雄搵林鄭搞活化

班伙記講咗啲乜呢？原來包括咗要活化消防局。有消防員反映話，觀塘消防局喺一九六一年建成，已經有半世紀歷史，好多地方都好殘舊，亦唔多夠位，大件啲嘅儀器都放唔到！盧Sir話會向其他政府部門反映，遲啲仲可能會約見發展局局長林鄭月娥。

好多伙記都覺得，盧Sir落區，唔多唔少都有啲似做騷，但亦都覺得喺咁嘅氣氛下傾偈，大家都可以坦誠啲，不過究竟有冇效用就要遲啲至知。至於向佢下戰書、邀請佢落區嗰位總隊目，原來同盧Sir一樣係基督徒，佢仲送咗個十字架畀盧Sir，大家一笑泯恩仇。