好爸爸肝衰竭命危忍心瞞妻兒
「我喺度等死……」眼前危在病榻，因急性肝衰竭導致眼白及全身皮膚發黃，隨時要換肝續命的卅五歲好爸爸，此刻只餘一絲氣力親手抱一下八歲的兒子、也只可氣若游絲地向太太親口說聲我愛你。儘管下一刻隨時可能因肝昏迷而不省人事，但他選擇向遠在廣州的妻兒隱瞞病危真相，「畀佢哋見到我咁樣又於心何忍呢？只會增加佢哋負擔！」好爸爸隨時會陷入肝昏迷需要換肝，期望善心市民捐肝續命。
據了解，王永日肝功能很差，正服用抗乙肝病毒藥物，但醫生難以估計服藥能否令急性肝衰竭情況逆轉，「佢現時仲清醒，未出現肝昏迷，暫時仲係踩界，未正式輪候換肝，不過情況好難估計，可能下一刻就突然肝昏迷，如果佢一納入輪候冊，就一定排第一，即係最急住換肝嗰個。」
王永日知道自己是乙型肝炎帶菌者，但一直不服藥控制病情。今年二月初牙痛自購藥物進食後無恙，但再患感冒、鼻塞及喉嚨痛，持續逾一周也沒求醫，以為病會自然地好。豈料接着又胃痛，「去睇中醫執咗兩劑藥煲來飲，飲咗兩日，又食阿媽啲胃藥，點知愈食愈唔舒服！」
上月二十八日，王永日到屯門醫院急症室求診，證實急性肝炎，導致肝功能急速轉差及急性肝衰竭，本月一日轉往瑪麗醫院，「醫生話我個肝好差，好可能要換肝先救得番條命，阿爸阿媽又老又有病，鄉下嘅阿哥同家姐都有屋企，我唔敢向老婆同個仔講，要搵人捐肝真係大海撈針，我喺度等死……」
地盤散工家庭支柱
年僅卅五歲的王永日是地盤散工，也是家庭經濟支柱，手停口停，開工足時月入有一萬元，開工不足時每月只有四千至六千元，薪金僅可以養活一家三口。為了省錢，他每逢長假期才回廣州一家團聚，上次會妻兒已是個多月前的農曆新年。平日在港時，他就與有長期病患、靠綜援過活的年邁父母居於屯門友愛邨。
「如果我有咩三長兩短，咁老婆同個仔點呢？」他說八歲的兒子很乖巧，最愛踩單車，「我唔期望佢有咩成就，最緊要日後開開心心。」在廣州出生的兒子從未來過香港，身為父親的未有想過帶他到海洋公園或迪士尼，想「只要一家人一齊，去邊度都好。」
記者于令華、張漫珠