政情：港鐵加價錢果豐企硬

由特區政府做大股東嘅港鐵公司，三年前兩鐵合併時主動放棄車費自主權，懶聰明引入可加可減機制，點知依家就捉蟲啦！事關計算結果顯示，港鐵今年六月起可以加價，最多一程可加三蚊添！港鐵主席錢果豐尋日話，呢套機制經過立法訂明，香港係法治地方，港鐵係上市公司，所以今次一定要加價，表明企到硬。依家經濟前景唔明朗，市民要勒緊褲頭度日，連無得慳嘅交通費都加價，點能夠唔令人叫苦連天呢？講到尾都係怪特區政府懶醒。