政情：黃德森湊囡囡重身教

不過養兒育女係要使錢，但德森話衣食方面可以慳啲嘅，只係教育經費就絕對省不得。

珊珊同老公最重視兩個女嘅教育，好似嗰年○八奧運，珊珊即使忙住為亞視奧運節目做主持，但一樣無忘記幫個女報讀暑期班。依家珊珊做咗全職媽咪，自然更瞓身去打點兩個小朋友嘅教育。

大自然學習科學知識

不過唔好誤會，緊張教育唔代表淨係谷填鴨，珊珊同黃德森呢對體壇名人，對於身教更為重視，因為黃德森話，學校無論教得點好，都唔及父母嘅貼身教育，所以佢哋兩公婆一得閒就會搞親子活動，好似湊兩個囡囡去親親大自然，等兩個囡囡可以從中學習科學知識。

咁勤力做囡囡嘅「老師」，難怪黃德森話錢銀呢啲有形嘅嘢都仲計到，但點都唔及難以估量嘅心血。